ОСТОНА, 22 январ АИ «Караван Инфо». Дар Хонаи дӯстӣ муҳокимаи ҷамъиятии ташаббусҳои калидии Президенти Қазоқистон Қасим-Жомарт Токаев дар V – ум Курултаи Миллии баргузор шуд. Дар вохӯрӣ муовини раиси Шаҳри Остона Байкен Есет, инчунин роҳбарияти Идораи сиёсати дохилии пойтахт – Алмуханов Нурдаулет ва Кусаинова Ляззат иштирок намуданд.

Дар муколама намояндагони марказҳои этнофарҳангӣ ва ташкилотҳои ҷамъиятии шаҳр фаъолона иштирок намуданд. Ҳар як сухангӯ дар натиҷаи Курултай фикри худро баён намуда, аҳамияти ислоҳоти пешниҳодшударо барои рушди минбаъдаи кишвар ва таҳкими ризоияти ҷамъиятӣ қайд намуд.

Иштирокчиён ташаббуси гузариш ба парлумони якпалатавиро бо номи Нави «Курултай», инчунин таъсиси Шӯрои Халқии Қазоқистон – Халиқ Кенеси ҳамчун мақоми олии машваратӣ бо намояндагии васеи ҷамъиятӣ дастгирӣ намуданд. Нақши институти нав дар нигоҳ доштани пайдарпаии арзишҳо, таҳкими давлатдорӣ ва ҷалби ҷомеаи шаҳрвандӣ ба равандҳои қабули қарорҳо махсус таъкид намуда шуд.

Дар ҷараёни муҳокима қайд карда шуд, ки пешниҳодҳои Президент оид ба тағйироти конститутсионӣ, рушди давлати ҳуқуқӣ, масъулияти экологӣ ва навсозии низоми сиёсӣ дархости ҷомеаро инъикос мекунанд ва марҳилаи нави муколамаи умумимиллиро мекушоянд.

Мулоқот дар фазои созанда ва кушод баргузор шуд ва омодагии институтҳои ҷамъиятии пойтахтро барои иштироки фаъол дар татбиқи қарорҳои V-уми Курултаи Миллӣ тасдиқ намуд.

Аксҳо: АИ Караван Инфо