Остона, 16 феврали соли 2026 АИ «Караван Ифо». Дар маркази Президентии ҶҚ дар Остона намоишгоҳи “Кашфиётҳои нав дар бостоншиносии Қазоқистон – 2025” кушода шуд. Экспозитсия артефактҳои беназири дар ҷараёни тадқиқоти саҳроӣ дар минтақаҳои гуногуни кишвар пайдошударо пешниҳод намуд.

Намоишгоҳро Институти бостоншиносии ба номи А.Х. Маргулан ва маркази Президентӣ ташкил намуданд. Экспозитсия доираи васеи хронологиро аз асри сангин то асрҳои миёна фаро гирифт.

Яке аз бахшҳои муҳимтарин ба петроглифҳои Сауискандик ва Арпаозен бахшида шудааст. Дар ҷаласаи Курултаи Миллӣ президент Қасим-Жомарт Токаев қайд намуд: “Қазоқистонро тасодуфан кишвари петроглифҳо меноманд. Ин ёдгориҳои рассомии сангҳо дафтари ҳазорсолаи тамаддуни даштӣ мебошанд.

Дар қисмати асри сангин кашфиётҳои фарҳанги “Ориняки Тян-Шан” – и палеолити барвақтӣ дар Жетису ва “Фарҳанги Шидертинӣ” – и мезолити дер дар Прииртишие пешниҳод намуда шуданд.

Бори аввал ба оммаи васеъ артефактҳои арзишманд аз қабристони дунҳои даврони энеолит, ки дар маҷмааи Тайсойган вилояти Атирау кашф шудааст, нишон дода шуданд.

Бахши асри биринҷӣ маводҳои шаҳракҳои Акмай ва Талдисайро пешниҳод намуд. Ин бозёфтҳо мақоми Сариаркаро ҳамчун яке аз марказҳои қадимаи кори кӯҳӣ ва металлургияи Авруосиё тасдиқ мекунанд.

Дар бахши замони сако – сарматӣ ороишҳои тиллоӣ, силоҳ ва маводҳое, ки аз рушди фарҳанги шаҳр шаҳодат медиҳанд, ба намоиш гузошта шуданд.

Бахши асримиёнагӣ артефактҳои даврони кимакҳо, оғузҳо ва Ордаи Тиллоиро дар бар мегирад. Таҷдиди ҷанговари кимак диққати махсусро ҷалб намуд.

Дар намоишгоҳ инчунин видеоматериалҳо, таҷдиди 3D, моделҳои рақамӣ ва нашрияҳои илмии Институти археология пешниҳод намуда шуданд.

Аксҳо: Вазорати илм ва ТО ҶҚ