МОСКВА, 10 сентябри соли 2025 АИ «Караван Инфо». Мақомоти Вилояти Перм чораҳои нави дастгирии табибони ояндаро роҳандозӣ мекунанд. Ба донишҷӯёни 4-5 курси донишгоҳи тиббӣ, ки дар асоси шартнома таҳсил мекунанд, хароҷоти таҳсил ҷуброн намуда мешавад.

Шарт як аст – пас аз хатми донишгоҳ онҳо бояд на камтар аз се сол дар клиникаҳо ва беморхонаҳои давлатӣ кор кунанд.

Минтақа инчунин таҳсили дусоларо дар ординатура дар самтҳои серталаб неврология, оториноларингология, травматология ортопедия, ҷарроҳӣ ва психиатрия маблағгузорӣ мекунад.

Илова бар ин, барномаи таъмини манзили хизматӣ ба моликияти табибон ва фельдшерҳо, ки на камтар аз даҳ сол дар муассисаҳои тиббии деҳот ё шаҳрҳои хурд кор намудаанд, амал мекунад.

Аз моҳи сентябр пардохтҳои нав барои донишҷӯен ва ординаторҳо, ки таҳсил ва корро якҷоя мекунанд, ҷорӣ намуда шуданд. Ҳар сол 200 нафар метавонанд онҳоро ба даст оранд, андозаи пардохт 100 ҳазор рубл аст.

Шаш мутахассиси ҷавони аввал аллакай пул гирифтанд. Барои ин, роҳбарони муассисаҳои тиббӣ бояд дар бораи донишҷӯёни корӣ саривақт маълумот пешниҳод кунанд.

Норасоии кадрҳои тиббӣ барои минтақаҳои Русия мушкилоти шадид боқӣ мемонад. Барномаҳои дастгирии молиявӣ ва таъмини мутахассисон дар маҳалҳо ба он равона намуда шудаанд, ки табибони ҷавон ба шаҳрҳои калон нараванд, балки дар клиникаҳои давлатӣ ва беморхонаҳои ноҳиявӣ кор кунанд.

Аксҳо аз манбаъҳои кушода