ОСТОНА, 11 декабр АИ «Караван Инфо». Санаи 12-уми декабр Димаш Кудойберген намоиши Stranger — и худро дар бузургтарин майдони консертии Латвия – Xiaomi Arena муаррифӣ мекунад. Ин майдони асосии кишвар аст, ки дар он бозиҳои хоккейӣ ва баскетбол, фестивалҳои калон ва чорабиниҳои миллӣ баргузор мешаванд. Иқтидори маҷмаа аз 11 то 14 ҳазор тамошобинро ташкил медиҳад.

Майдонча соли 2006 барои чемпионати ҷаҳон оид ба хоккей сохта шуда, баъдтар хонаи бузургтарин чорабиниҳои фарҳангии Латвия гардид. Дар ин ҷо ситораҳои ҷаҳонӣ аз Deep Purple ва Depeche Mode то Кэти Перри, Ленни Кравитс ва Эд Ширан баромад намуданд.

Намоиши Димаш дар ҳамон саҳнае баргузор мешавад, ки дар он фестивали Суруд ва Рақси Латвия дар соли 2023 кушода шуд, ки миқёс ва эътибори майдонро таъкид мекунад.

Ёдовар мешавем, ки 8-уми декабр созмони байналмилалии муҳоҷирати СММ ба Димаш мақоми сафири ҷаҳонии иродаи нек дода, фаъолияти башардӯстона ва нуфузи ӯро дар арсаи байналмилалӣ қайд намуд.

Аксҳо: DimashNews