Серхио Гор, фиристодаи махсуси президенти Иёлоти Муттаҳидаи Амрико оид ба Осиёи Ҷанубӣ ва Марказӣ, ба Ҷумҳурии Қирғизистон ташриф овард. Дар ин бора хадамоти матбуотии Вазорати корҳои хориҷии Қирғизистон хабар дод.

Ба гуфтаи вазорат, дар доираи сафар мулоқотҳо бо Содир Ҷапаров, раисиҷумҳури Қирғизистон ва Ҷинбек Улубоев, вазири корҳои хориҷии ин кишвар ба нақша гирифта шудаанд.

Илова бар ин, Фиристодаи махсуси ИМА Гор дар Форуми иқтисодии Осиёи Марказӣ-ИМА (B5+1), ки 4-5 феврали соли 2026 дар Бишкек баргузор мешавад, иштирок хоҳад кард.

04.02.2026 20:25:44