Остона, 06 марти соли 2026 АИ «Караван Инфо». Дар Хонаи дӯстии шаҳри Остона ҷаласаи Клуби журналистони Ассамблеяи халқи Қазоқистон дар мавзӯи “Конститутсияи Нав – вектори стратегии рушди кишвар” баргузор гардид. Мулоқот ба муҳокимаи нақши васоити ахбори омма дар шарҳи ислоҳоти конститутсионӣ ва рушди фарҳанги муколамаи ҷамъиятӣ бахшида шуд.

Дар ҷаласа намояндагони ВАО-и этникӣ, кормандони РГУ «Қоғамдиқ келисим» (Созиши Ҷамъиятӣ, қазоқ.), инчунин хадамоти матбуотии муассисаҳои гуногун иштирок намуданд. Иштирокчиён муҳокима карданд, ки чӣ гуна вао метавонад ба огоҳии объективӣ ва дастраси шаҳрвандон дар бораи дигаргуниҳои конститутсионии кишвар мусоидат кунад.

Модератори мулоқот вакили Сенати Парлумони Ҷумҳурии Қазоқистон, раиси Клуби журналистони АХҚ Алишер Сатвалдиев буд. Вай таъкид намуд, ки ВАО дар ташаккули фаҳмиши ҷамъиятии ислоҳот ва таҳкими муколамаи ошкоро дар ҷомеа нақши муҳим доранд.

Муовини директори Институти тадқиқоти амалии этнополитикӣ Д.Гали ва муовини Раиси АХҚ Д. Останкович низ бо гузоришҳо баромад намуданд. Сухангӯён аҳамияти иштироки фаъоли ҷомеаи рӯзноманигоронро дар муҳокимаи лоиҳаи Конститутсия, инчунин зарурати нигоҳ доштани тавозуни байни ҳуқуқ ва масъулияти шаҳрвандонро қайд намуданд.

Дар ҷараёни муҳокима иштирокчиён оид ба масъалаҳои дастгирии иттилоотии ислоҳот мубодилаи афкор намуданд. Агентии иттилоотии “Караван Инфо” инчунин ташаббусҳои ба шарҳу пешбурди лоиҳаи Конститутсияи Нави Қазоқистон равонашударо дастгирӣ мекунад.

Аксҳо: АИ “Караван Инфо”