Дубай, 2 феврали соли 2026 АИ «Караван Инфо». Истеҳсолкунандагони маҳсулоти равғании қазоқистон бо Эстония ба маблағи 5 миллион доллар ёддошт имзо намуданд. Созишнома дар доираи намоишгоҳи Gulfood 2026 дар Дубай ба имзо расид.

Ассотсиатсияи миллии коркардкунандагони зироатҳои равғанӣ ва ширкати эстонии Aktsiaselts Letofin ҳуҷҷати ҳамкорӣ имзо намуданд. Он хариди маҳсулоти равғании қазоқистонро ба маблағи на камтар аз 5 миллион доллар пешбинӣ мекунад.

Сардори раёсати ассотсиатсия Ядикар Иброҳимов изҳор дошт, ки маҳсулоти қазоқистон аллакай дар бозори аврупо муаррифӣ шудааст.

“Имрӯз Қазоқистон аз рӯи содироти шротҳои офтобпараст дар иттиҳоди Аврупо дар ҷои сеюм аст. Созишнома на танҳо имкон медиҳад, ки таъминот афзоиш ёбад, балки иқтидори содиротии соҳаро васеъ кунад”, – қайд намуд ӯ.

Вай инчунин таваҷҷӯҳи зиёд ба маҳсулоти қазоқистонро аз ҷониби кишварҳои халиҷи Форс, алахусус дар сегменти равғани офтобпарасти шишагини премиалӣ таъкид намуд. Як қатор корхонаҳои равғанӣ дар соли 2026 ба нақша гирифтаанд, ки хатҳои нави тозакунӣ ва бастабандиро ба кор дароранд.

Аксҳо: Вазорати Кишоварзии ҶҚ