ДУШАНБЕ, 28 июль — АА «Караван Инфо».Саноати фармасевтии Тоҷикистон рушди устувор нишон медиҳад: тибқи маълумоти Вазорати тандурустӣ ва ҳифзи иҷтимоии аҳолӣ, 69 корхонаи ватанӣ ба истеҳсоли беш аз 610 намуд ва 355 номгӯи доруворӣ ва таҷҳизоти тиббӣ машғуланд.

Дар ин бора дар нишасти матбуотӣ бахшида ба ҷамъбасти нимсолаи аввали соли ҷорӣ хабар дода шуд.

Дар муқоиса бо ҳамин давраи соли 2024, афзоиши мунтазами истеҳсоли доруворӣ қайд карда мешавад:

• шумораи корхонахои амалкунанда 4 адад афзуд;
• Доираи дору ва маснуот ба 20 намуд ва 14 ном васеъ гардид.

Дар шаш моҳи аввали соли 2025 дар ҷумҳурӣ ҳаҷми истеҳсоли маводи доруворӣ ва маҳсулоти тиббӣ беш аз 45 миллион ададро ташкил дод, ки нисбат ба ҳамин давраи соли гузашта 5 миллион адад зиёд мебошад.

Истеҳсолкунандагон ба коркард ва бастабандии ашёи хоми ватании растании шифобахш таваҷҷуҳи хоса зоҳир мекунанд – ин на танҳо арзиши аслиро коҳиш медиҳад, балки мустақилияти бозори дорусозии кишварро аз воридот мустаҳкам мекунад.

Рушди фармасевтӣ ҳамчун як ҷузъи стратегияи таъмини амнияти доруворӣ ва ивазкунандаи воридот, инчунин таъсиси ҷойҳои нави корӣ арзёбӣ мешавад.

ДАР СУРАТ: Вазорати нигахдории тандурустй ва хифзи социалии ахолй