ОСТОНА, 8 январ АИ «Караван Инфо». дар Қазоқистон соли 2025 маҷмӯи чораҳо оид ба таҳкими кӯмаки аввалияи тиббӣ – санитарӣ ва амбулаторӣ -поликлиникӣ тавассути системаи навсозии тайёр намудани табибон оғоз ёфт. Дар интернатура омӯзиш аз рӯи шаш самти серталаб оғоз ёфт: амалияи умумии тиббӣ, терапия, педиатрия, ҷарроҳӣ, ҷарроҳии кӯдакон ва акушерӣ-гинекология. Ин бояд дастрасӣ ва сифати хизматрасонии тиббиро дар сатҳи клиникаҳо ва ташкилотҳои тиббии деҳот баланд бардорад.

Таваҷҷуҳи алоҳида ба тайёр намудани мутахассисони кӯдакон дода шудааст. Дар резидентура 14 ихтисоси педиатрӣ кушода шудааст, ки ба таҳкими хадамоти саломатии кӯдакон ва васеъ намудани имкониятҳои кӯмаки махсус имкон медиҳад.

Бо дарназардошти талаботи минтақаҳо дар резидентура ҷойҳои мақсаднок пешбинӣ шудаанд ва шартномаи намунавии сетарафа байни донишгоҳҳо, ҳокимиятҳо ва табибони резидентӣ ҷорӣ намуда шудааст. Ин равиш ба мустаҳкам намудани мутахассисони ҷавон дар маҳалҳо ва коҳиш додани касри кадрҳо равона шудааст.

Дар баробари ин, барномаҳои таҳсилоти олии тиббӣ нав намуда шуданд: фанҳои асосӣ тақвият дода шуданд, талабот ба довталабон баланд карда шуд ва барои донишҷӯёни хориҷӣ шароити иловагӣ ҷорӣ намуда шуд. Интизор меравад, ки чораҳои андешидашуда рушди устувори системаи тандурустиро таъмин кунанд ва пайванди аввалияро ҳамчун асоси он мустаҳкам намоянд.

Акс тасвир шудааст, АИ “Караван Инфо”