МОСКВА, 8 сентябри соли 2025 АИ «Караван Инфо».  Дар пойтахти Бритониё корпартоии васеи кормандони метрополитен оғоз ёфт, ки дар натиҷа қариб ҳамаи хатҳои “подземка”баста шуданд.

Иттифоқи касабаи миллии коргарони роҳи оҳан, баҳрӣ ва нақлиётӣ (RMT) бо эътироз баромад намуда, талаб намуд, ки маош зиёд намуда шавад ва шароити меҳнат беҳтар намуда шавад.

Тибқи маълумоти идораи нақлиети пойтахт (TfL), субҳи душанбе ҳаракат танҳо дар қисмҳои алоҳидаи се хат амалӣ намуда мешуд, дар ҳоле ки боқимонда пурра қатъ намуда шуданд.

Метрои сабуки докленд ва қисми хатсайрҳои заминӣ фаъолият мекунанд, аммо онҳо низ ба эътирозҳои алоҳида омодагӣ мегиранд.

Бастани хатҳо рӯзи якшанбе оғоз ёфт: то бегоҳ аксари самтҳо аз кор монданд, ки ин барои ҳазорҳо мусофирон ғайричашмдошт буд.

Дар истгоҳи Кингс-Кросс одамон бо даромадгоҳҳои пӯшида бе эълонҳои фаҳмондадиҳӣ рӯ ба рӯ шуданд. Дар назди истгоҳҳои таксиҳо навбатҳои бисёрметра сохта шуда, интизори “кабинаҳои сиеҳ” зиёда аз як соат тӯл кашид.

Қисме аз сокинон ба кори дурдаст гузаштанд ё аз ҳисоби худ рухсатӣ гирифтанд. Дигарон маҷбур мешаванд, ки автобусҳо, таксиҳо, каршеринг ва велосипедҳоро истифода баранд.

Корпартоӣ ҳатто ба сиесат таъсир расонд: ҷаласаи кумитаи иҷроияи миллии ҳизби меҳнатӣ бори аввал бо сабаби фурӯпошии нақлиётӣ онлайн баргузор шуд.

Эътироз то рӯзи ҷумъа идома хоҳад ёфт. Дар байни талаботҳои асосӣ кам намудани ҳафтаи корӣ аз 35 то 32 соат мебошад. TfL аллакай ба 3,4% зиёд намудани маош розӣ шудааст, аммо тағир додани ҷадвалро “номуносиб”мешуморад.

Метрои лондон бори аввал ба чунин садамаҳо дучор намешавад. Дар соли 2021, RMT дар тӯли шаш моҳ эътирозҳо баргузор намуд, ки боиси қатъи ҷиддии кори зеризаминӣ шуд.

Аксҳо аз манбаъҳои кушода