Душанбе, 12 сентябр, – АИ «Корвон Иттилоот». Варзишгари тоҷик Мадина Курбонзода дар Чемпионати Осиё оид ба дзюдо байни кадетҳо ба гирифтани медали тилло муваффақ шуд. Дар финали вазни то 52 кг ӯ бо Нигина Умирзакова аз Ӯзбекистон рӯбарӯ шуда, ғалаба кард.
Дар даври аввали мусобиқа Мадина роҳкунии ройгон гирифт ва баромадро аз 1/4 финал оғоз намуд. Дар ин давр ӯ варзишгари Қирғизистонро шикаст дод, сипас дар нимфинал бар варзишгари Ҳиндустон пирӯз шуда, ба финал роҳ ёфт.
Қайд кардан лозим аст, ки дар Чемпионати Осиё оид ба дзюдо байни кадетҳо, ки имрӯз дар Ҷакарта (Индонезия) оғоз шуд, Тоҷикистонро 4 дзюдочӣ намояндагӣ мекунанд. Ғайр аз Мадина, Рошид Неъматов ва Бобоҷон Шаропов дар вазни то 73 кг ва Абубакр Абдуджалилзода дар вазни то 81 кг ширкат доранд.
АКС: Азия Плюс