ОСТОНА, 15 январ АИ «Караван Инфо». Дар Қазоқистон натиҷаҳои озмуни Миллии “Беҳтарин ташкилоти таҳсилоти экологӣ” ҷамъбаст намуда шуданд, ки ҳамасола аз ҷониби Вазорати экология ва захираҳои табиӣ дар якҷоягӣ бо акиматҳо дар доираи консепсияи “Таза Қазақстан” гузаронида мешавад. Ҳадафи он дастгирии ташаббусҳо дар соҳаи фарҳанги экологӣ ва рушди устувор дар системаи маориф мебошад.

Озмун дар ду марҳила — минтақавӣ ва ҷумҳуриявӣ баргузор шуд, ки дар натиҷаи он пешсафон муайян намуда шуданд. Ҷои аввалро мактаби таҳсилоти умумии №30-и шаҳри Караганда гирифт. Натиҷаи дуюмро мактаби № 1 Узункӯли Вилояти Костанай нишон дод. Ҷои сеюмро мактаби миёнаи Беловскийи ноҳияи Мамлют, вилояти Қазоқистони Шимолӣ гирифт.

Вазорат қайд намуд, ки лоиҳаҳои озмунӣ доираи васеи таҷрибаҳоро аз кори клубҳои экологии мактабӣ ва омӯзиши лоиҳавӣ то ҷамъоварии ҷудогонаи партовҳо ва ташаббусҳои ихтиёрӣ фаро гирифтаанд. Чунин форматҳо дар кӯдакон ва наврасон муносибати масъулиятнок ба табиат ва одатҳои устувори экологиро ташаккул медиҳанд.

Ташкилкунандагон ғолибон ва иштирокчиёнро табрик намуда, таъкид намуданд, ки таҷрибаи онҳо барои дигар мактабҳои кишвар роҳнамо хоҳад буд ва ба таҳкими принсипҳои “Таза Қазақстан” дар ҳаёти ҳаррӯза кӯмак хоҳад намуд.

Аксҳо: МЭПР ҶҚ