МОСКВА, 25 октябри соли 2025 АИ «Караван инфо». Модар-маликаи Таиланд Сирикит дар синни 93-солагӣ дар беморхонаи Бангкок пас аз бемории тӯлонӣ вафот намуд. Ҳукумат соли мотамро эълон намуд.

Канселярияи шоҳӣ хабар дод, ки Сирикит шоми 24 октябри соли 2025 пас аз мушкилоти бисёрсолаи саломатӣ аз сирояти хун вафот намуд.

Вай модари шоҳи кунунии Маха Вачиралонгкорн ва бевазани дарозтарин монархи Таиланд Бхумибол Адулядет (Рама IX) мебошад.

Сирикит як шахси бонуфуз буд: вай дар рушди деҳот фаъолона кор мекард, ҳунарҳои анъанавӣ ва ҳифзи табиатро дар Таиланд дастгирӣ менамуд ва рӯзи таваллуди ӯ санаи 12 август ҳамчун Рӯзи модар ҷашн гирифта мешавад.

Ҳукумат мотами расмӣ эълон намуд, намояндаи Сарвазир хабар дод, ки бисёр чорабиниҳои давлатӣ бекор намуда шуданд ё ба таъхир гузошта шуданд.

МАЪЛУМОТ: Сирикит санаи  12-уми августи соли 1932 таваллуд шудааст ва соли 1950 бо Бхумибол издивоҷ намудааст. Вай солҳои зиёд бо барномаҳои хайриявӣ ва иҷтимоӣ, хусусан дар минтақаҳои дурдасти Таиланд машғул буд. Пас аз сактаи мағзӣ дар соли 2012, фаъолияти оммавии ӯ коҳиш ёфт.

Аксҳо: REUTERS