Алмаато, 23 феврали соли 2026 АИ «Караван Инфо». Дар саҳнаи филармонияи давлатии Академии Қазоқистон ба номи Ҷамбул дар Алмаато премераи моноопераи Франсис Пуленк “Садои Инсонӣ” баргузор шуд, ки бори аввал бо забони қазоқӣ пешниҳод намуда шуд. Ин асар дар асоси пьесаи Жан Кокто офарида шудааст.

Пештар опера бо забонҳои англисӣ, итолиеӣ, русӣ, испанӣ, ҷопонӣ, кореягӣ, украинӣ ва забони ишораҳо иҷро мешуд. Забони қазоқӣ ин рӯйхатро пурра намуд.

Соли 2023 ин песа бо номи “Дауис” дар театри миллии драматии Қазоқистон ба номи М.Ауэзов ба намоиш гузошта шуд. Тарҷумаро артисти халқии Қазоқистон Тунгишбай Ҷаманқулов анҷом дод, режиссёр Барзу Абдуразаков буд.

Тафсири нав дар жанри моноопера бо ҳамроҳии оркестри симфони пешниҳод намуда мешавад. Партияи қаҳрамони асосиро шахси шоистаи Қазоқистон Дария Жусип иҷро намуд, ки қаблан ин нақшро дар версияи драмавӣ иҷро намуда буд. Галина Карамолдаева бо омодасозии партияи овозӣ машғул буд.

Мусиқиро оркестри симфонии академии давлатии ҶҚ ба номи Т.Абдрашев таҳти роҳбарии дирижер Канат Омаров таъмин намуд. Директори намоиш Фарҳод Молдагалӣ.

Пас аз анҷоми чорабинӣ ба коллективи эҷодӣ аз номи Вазорати фарҳанг ва иттилооти ҶҚ гулҳо супорида шуданд.

Аксҳо: Вазорати Фарҳанг ва иттилооти ҶҚ