Душанбе, 19 сентябр, – АИ «Корвон Иттилоот». Дастрасӣ ба оби тоза ва бехатар яке аз ҳуқуқҳои асосии инсон ва пояи саломатии ҷомеа ва рушди устувор мебошад.

Бо дарки аҳамияти ин масъала, Ҳукумати Ҷопон бо пуштибонии Агентии Ҷопонии ҳамкории байналмилалӣ (JICA) лоиҳае барои беҳтар намудани системаҳои обрасонӣ дар ноҳияи Абдураҳмони Ҷоми вилояти Хатлон амалӣ мекунад. Лоиҳа ба баланд бардоштани сатҳи зиндагии зиёда аз 50 000 сокини шаҳр ва деҳаҳои атроф равона шудааст.

Лоиҳаи кумакҳои беғаразона бо маблағи тақрибан 14 млн доллари ИМА аз мақсадҳои зерин иборат аст:

• таъмин намудани дастрасии доимӣ ба оби нӯшокии бехатар;
• коҳиш додани бор дар ҷамъоварии об, махсусан барои занон ва кӯдакон;
• беҳтар намудани санитария ва гигиена;
• мусоидат ба беҳбуди саломатӣ, сатҳи зиндагӣ ва имкониятҳои иҷтимоиву иқтисодӣ дар минтақа.

Лоиҳа бо ҳамкорӣ бо КВД  “Хоҷагии манзилию коммуналӣ» ва мақомоти маҳаллӣ амалӣ мешавад.

Имсол JICA низ лоиҳаи дастгирии техникии Водоканали ноҳияи Абдураҳмони Ҷоми оғоз намуд. Дар доираи ҳамкорӣ системаҳои ҳисобкунии об ҷорӣ карда шуд, ки истифодаи самараноки об ва кам кардани истеъмоли барқро таъмин мекунад. Ин амал ба кам кардани бори молиявӣ барои Водоканал, беҳтар шудани сифати хизматрасонӣ ва эҷоди системаи обрасонии экологӣ устувор, ки ба тағйирёбии иқлим мутобиқ аст, мусоидат мекунад.

Ҳамсуҳбати мо, Ҷаноби Курбонзода Амирхон Файзулло, аввалин муовини раиси вилояти Хатлон, аҳамияти лоиҳаро чунин шарҳ дод:

“Беҳтар намудани хизматрасонии обрасонӣ қадами муҳими пешрафт дар рушди минтақа ва тақвияти ҳамкории Тоҷикистону Ҷопон мебошад. Мо сипосгузории самимии худро ба мардуми Ҷопон ва Ҳукумати он барои дастгирӣ ва дӯстии ҳамешагӣ иброз медорем, ки пояи ояндаи устуворро барои шаҳрвандони мо мегузорад.”

Ҳайати фавқулодаи Ҷопон дар Тоҷикистон, хонум Фурута Кейко, гуфт:
“Ҳамкории мо комилан бо ташаббусҳои байналмилалии Тоҷикистон дар бахши захираҳои об мувофиқ аст. Ин шарикии мо дӯстии миёни кишварҳоро тақвият мебахшад ва ба расидан ба ҳадафҳои рушди устувор мусоидат мекунад.”

Ҷопон аз соли 1993 ҳамкории фаъол бо Тоҷикистон дар соҳаи обрасониро идома медиҳад. Аз замони боз шудани идораи JICA дар кишвар дар соли 2006, барномаҳои зиёде барои муосирсозии инфрасохтори обрасонӣ, хусусан дар деҳоти вилояти Хатлон, амалӣ шудааст.

Ҳамкории умумии JICA дар соҳаи обрасонии Тоҷикистон қариб 50 млн долларро ташкил медиҳад, аз ҷумла: муосирсозии инфрасохтор, рушди захираҳои инсонӣ ва идоракунии обрасонӣ, фиристодани мутахассисони тоҷик ба омӯзиш дар Ҷопон ва ҷалби муҳандисони ҷопонӣ ба Тоҷикистон.

Ин саъю кӯшишҳо дастрасӣ ба оби нӯшокии бехатарро барои садҳо ҳазор одамон васеъ карда, хатари бемориҳоро кам намуда, ба рушди устувори ҷомеаҳои маҳаллӣ мусоидат кардаанд.

Лоиҳаи беҳтар намудани обрасонӣ дар ноҳияи Абдураҳмони Ҷоми шаҳодати равшани ҳамгироии Ҷопон ва JICA ба ҳадафҳои рушди устувор, хусусан Ҳадафи №6: «Оби тоза ва санитария барои ҳама» мебошад.

Ин на танҳо ҳаёти сокинонро имрӯз беҳтар мекунад, балки пояи ояндаи пешрафта ва экологӣ устуворро барои Тоҷикистон мегузорад.

АКС: Агентии Ҷопонии ҳамкории байналмилалӣ (JICA)