Президенти Чумхурии Точикистон Мухтарам Эмомали Рахмон дар чамъомади тантанави бахшида ба рузи модар, ки дар мачмааи Давлатии “Кохи Борбад” баргузор гардид, иштирок намуд. Сарвари давлат суханрони намуда, занони кишварро бо ид табрик намуда, накши мухимтарини онхоро дар рушди чомеа ва тахкими давлатдории милли таъкид намуданд.
Эмомали Рахмон зан – модари точикро рамзи хаёт, зебои, мехрубони ва шукуфои номид. Вай кайд намуд, ки тачлили рузи модар бо микёси махсус нишонаи эхтироми амики давлат ва рохбарияти кишвар нисбат ба занону модарон мебошад.
Президент таъкид намуд, ки занону модарони точик на танхо сиёсати давлатро, ки ба баркарорсозии сулх, муттахидсозии миллат ва хифзи истиклолият нигаронида шудааст, дастгири намуда, дар татбики хадафхои Точикистони нав сахми назаррас гузоштаанд.
“Занону духтарони муосири точик насли кахрамону ватандустонанд, ки шаъну шарафи ниёгонашонро дар шароити нави зиндаги хифз намудаанд”, — изхор дошт Сарвари давлат.
Эмомали Рахмон кайд намуд, ки занони сохибмаърифат ва сохибхирад дар тарбияи фарзанд, пешбурди ташаббусхои давлати ва рушди чомеа накши калиди доранд. “Онхо дар бунёди чомеаи демократи, дуняви ва пешрафта сахми арзанда доранд”, — таъкид намуд Президент.
Сарвари давлат хамчунин дастгирии занон ва баланд бардоштани макоми онхоро дар чомеа яке аз афзалиятхои хукумати Точикистон номиданд. Вай изхор дошт, ки накши модарон ва занон дар рушди давлат, ташкили оилахои кави ва тарбияи насли солим хамеша бахои баланд хохад гирифт.
Дар суханронии худ Президент занонро даъват намуд, ки дар рушди хунархои мардуми, хифзи анъанахои милли ва таълими насли чавон фаъолона иштирок кунанд. Ба масъалахои тарбияи кудакон дар рухияи ватандусти, риояи расму оинхои милли ва конунхо, инчунин пешгирии таъсири фархангхои бегона диккати махсус дода шуд.
“Занони точик бояд дар хифзи анъанахои мо, тахкими сулху субот ва рушди давлат намунаи ибрат бошанд” гуфт Эмомали рахмон.
Сарвари давлат зарурати хифзи арзишхои анъанавии оилави, тарбияи дурусти чавонон, пешгирии хукуквайронкунихо ва чинояткори дар байни наврасонро таъкид намуданд. Вай инчунин занонро даъват намуд, ки илмхоро фаъолона омузанд, касбхо, забонхои хоричи ва технологияхои муосирро аз худ кунанд.
Пас аз суханронии Президент барномаи консертии бахшида ба рузи модар баргузор шуд. Ин чорабини чашни пуршараф гардид, ки истиклолият, озоди, Ватан ва макоми баланди модар-зан дар чомеаи точикистонро чашн мегирад.
Аксхо: аз манбаъхои кушода