АФҒОНИСТОН, 19 январи соли 2026 – Хабаргузории иттилоотии Karavan Info. Вазорати дифоъи Толибон хабар медиҳад, ки сардори ситоди ин ҳаракат, Фасиҳуддин Фитрат, барои иштирок дар намоишгоҳи дифоии DIMDEX ба Доҳа, пойтахти Қатар сафар кардааст.

Сухангӯи Вазорати дифоъи Толибон Иноятуллоҳ Хоразмӣ гуфт, ки ҳадафи сафари Фитрат иштирок дар Намоишгоҳи байналмилалии дифоъи Доҳа (DIMEX) буд, ки ҳадафи он намоиши таҷҳизот ва технологияҳои дифоъӣ мебошад.

Вазорат гуфт, ки сардори ситоди нерӯҳои мусаллаҳи Толибон аз намоишгоҳ боздид мекунад ва бо мақомоти хориҷӣ дар масъалаҳои дифоъ мулоқотҳо баргузор мекунад.

DIMDEX Намоишгоҳ ва Конфронси байналмилалии дифоъи баҳрии Доҳа мебошад, ки ҳар ду сол як маротиба барои муаррифии таҷҳизот, технологияҳо ва маводҳои дифоӣ баргузор мешавад.

Намояндагони кишварҳои гуногун ва ширкатҳои мудофиавӣ дар ин намоишгоҳ ширкат мекунанд ва киштиҳои ҷангӣ, танкҳо, ҳавопаймоҳо, силоҳҳо ва дигар таҷҳизоти низомиро ба намоиш мегузоранд.

Як бахши намоишгоҳи DIMDEX ба конфронсе бахшида шудааст, ки дар он коршиносон ва намояндагони ниҳодҳои дифоъӣ масъалаҳои технологияҳои дифоъӣ ва амниятро баррасӣ мекунанд.

Акс: Аз саҳифаи шабакаҳои иҷтимоии Фасиҳуддин Фитрат