Душанбе, 21 ноябр, – АИ Корвон Иттилоот. Дар пойтахти Тоҷикистон Форумии байналмилалии дуюми хӯроки мактабии кишварҳои ИДМ бо шиори «Хӯроки мактабӣ — сармоягузорӣ ба насли солим ва ояндаи миллат» ифтитоҳ шуд.

Дар кори форум коршиносон, роҳбарони вазоратҳо ва идораҳои соҳаи кишварҳои Иттиҳоди Давлатҳои Мустақил ширкат доранд, ки чораҳои амалӣ барои мустаҳкам намудани саломатии кӯдакон ва такмили системаи хӯроки мактабиро муҳокима мекунанд.

Бо сухани ифтитоҳӣ ба иштирокчиён муовини дабири кулли ИДМ Денис Трефилов баромад кард. Ӯ марҳилаҳои калидии ҳамкории кишварҳои ИДМ дар ин соҳаро таъкид намуд. Ба гуфтаи ӯ, ду сол пеш дар Бишкек пояи ҳамкории системавӣ гузошта шуд:

«Хулосаи асосии форуми аввал оддӣ буд: хӯроки мактабии босифат на танҳо вазифаи иҷтимоӣ аст, балки сармоягузорӣ ба саломатӣ, зеҳн ва ояндаи кишварҳои мо мебошад».

Трефилов ёдрас намуд, ки дар апрели соли 2025 Институти хӯроки соҳаии Русия мақоми Созмони асосии ИДМ оид ба масъалаҳои хӯроки хонандагонро гирифт. Ин имкон медиҳад, ки кишварҳои ИДМ малакаҳои худро муттаҳид намуда, таҷрибаҳои пешқадами худро мубодила кунанд.

Дар ҷараёни форум ӯ пешниҳод кард, ки барномаи амали муштарак таҳия ва реестри истеҳсолкунандагони таҷҳизот барои соҳаи хӯроки мактабӣ таъсис дода шавад, ки ин ба ташкили занҷирҳои ҳамкории самаранок байни кишварҳои ИДМ мусоидат мекунад.

Таваҷҷӯҳи махсус ба институционализатсияи гуфтугӯ равона шудааст: пешниҳод шудааст, ки анъанаи баргузории солонаи форум дар чаҳорчӯби раиси давлатҳои ИДМ ба роҳ монда шавад ва инчунин имконияти баргузории форуми навбатӣ дар Туркманистон баррасӣ шавад.

Форум се рӯз идома мекунад. Иштирокчиён таҷрибаи миллии худро муаррифӣ мекунанд, мушкилоти актуалиро муҳокима намуда, ташаббусҳои муштаракро барои таъмин намудани хӯроки мактабии бехатар, босифат ва дастрас барои миллионҳо кӯдакон дар кишварҳои ИДМ таҳия менамоянд.

Аксҳо: аз манбаъҳои кушода