АФҒОНИСТОН, 26 декабри соли 2025 – Хабаргузории Karavan Info. Гарчанде ки дар соли 2025 беш аз як миллион паноҳандаи афғон ба Афғонистон баргаштанд, Комиссариати Олии Созмони Милали Муттаҳид оид ба гурезагон (UNHCR) гузориш дод, ки тақрибан ду миллион афғон то ҳол дар Покистон зиндагӣ мекунанд.

Тибқи иттилои Раёсат, танҳо дар моҳи ноябр 171 055 афғон ба Афғонистон баргаштанд, ки аз ин шумора 37 899 нафар аз марз тавассути Чаман, Торхам ва Баҳромча гузаштаанд.

Дар гузориши ин ниҳод инчунин қайд шудааст, ки 31,500 паноҳандаи афғон, ки кортҳои PoR доштанд, дар моҳи ноябр аз ин гурӯҳ ба Афғонистон баргаштанд. Ғайр аз ин, ҳукумати Покистон 54 урдугоҳи паноҳандагонро дар вилоятҳои Хайбар Пахтунхва, Балуҷистон ва Панҷоб баст ва аз афғонҳои сокини он ҷо даъват кард, ки ба ватан баргарданд.

Раёсати Комиссариати Олии СММ дар умури паноҳандагон аз ҳукумати Покистон даъват кард, ки аз ихроҷи донишҷӯёни афғон, ки айни замон дар донишгоҳҳои ин кишвар таҳсил мекунанд, худдорӣ кунад.

Ёдовар мешавем, ки ҳукумати Покистон аз соли 2023 инҷониб сиёсати ихроҷи паноҳандагони афғонро фаъолона пеш мебарад.

Акс: Радиои Спогмай