Актобе, 4 феврали соли 2026 АИ “Караван Инфо”. Хизматчиёни ҳарбии Вилояти Қазоқистони Ғарбӣ собиқадори Ҷанги Бузурги Ватанӣ Халиқ қаҳарман Иван Гапичро бо 103-солагиаш табрик гуфтанд. Роҳбарияти Департаменти мудофиа ба собиқадор ташриф овард.

Хизматчиёни ҳарбӣ ба Гапич табрикоти самимӣ ва суханони миннатдории вазири мудофиа генерал-лейтенанти авиасия Даурен Косановро супориданд.

Иван Степанович Гапич 2-юми феврали соли 1923 дар Акмолинск таваллуд шудааст. Аз рӯзҳои аввали ҷанг ӯ ихтиёран ба фронт рафт. Пас аз таҳсил дар Тошканд, ӯ ҳамчун радиотелеграф хизмат намуда, алоқаи штаби фронти Ғарбиро таъмин менамуд, сипас вазифаҳои ҷангиро дар ақибгоҳи душман иҷро менамуд.

Вай дар назди Вязма, Смоленск, Орша ва Аврупои Шарқӣ ҷангҳои вазнинро аз сар гузаронид. Вай захмӣ шуд, аммо ба саф баргашт. Ғалабаро дар Пруссияи Шарқӣ пешвоз гирифт ва 24-уми июни соли 1945 дар Паради Ғалаба дар майдони Сурх иштирок намуд.

Пас аз ҷанг Иван Степанович худро ба хидмати давлат бахшид ва солҳои зиёд дар мақомоти прокуратураи вилояти Қазоқистони Ғарбӣ кор намуд. Соли 2010 ӯ дар Паради Ғалаба дар Маскав иштирок намуд.

Соли 2023 бо Фармони президенти Қазоқистон Қасим-Жомарт Токаев ба Иван Гапич унвони Халиқ қаҳарман дода шуд.

Сурат: ВМ ҶҚ