Душанбе, 10 декабр, – АИ «Корвон Иттилоот». Созмони байналмилалии муҳоҷират (МОМ) дар Тоҷикистон ҳамкорӣ бо Созмони ҷамъиятии «Илмхона» ва намояндагони ширкатҳои пешрафта дар семинари махсуси касбӣ, ки ба васеъ намудани имкониятҳои шуғл барои узвони осебпазирии ҷомеа, аз ҷумла муҳоҷирон ва паноҳҷӯёни афғон бахшида шуда буд, иштирок намуд.

Ҳадафи ин чорабинӣ муҳокимаи роҳҳои самараноки ҳамгироии гурӯҳҳои осебпазир дар бозори меҳнат ва таҳкими ҳамкории устувор байни бахшҳои давлатӣ, хусусӣ ва ғайридавлатӣ мебошад.

Дар ҷараёни семинар коршиносони МОМ таъкид карданд, ки ҳамкорӣ бо бахши хусусӣ омиле калидӣ барои ташаккули бозори меҳнат инклюзивӣ ва устувор мебошад. Корфармоён нақши ҳалкунанда дар фароҳам овардани имкониятҳои худкфолияти иқтисодӣ ва ҳамгироии иҷтимоӣ барои онҳое доранд, ки маҷбур шудаанд ҳаёти худро дар кишвари нав аз нав созанд.

Ин масъала ҳамчунин ба муҳоҷирони баргашта дахл дорад, ки барои муваффақона дубора ҳамгиро шудан ва барқарор кардани воситаҳои рӯзгори худ кӯшиш менамоянд.

Дар доираи ин ташаббус МОМ ҳамкории худро бо ҷомеаи соҳибкорӣ васеъ намуда, тавсияҳои амалӣ оид ба ҷалби паноҳҷӯён ба кор пешниҳод мекунад ва мисолҳои муваффақонаи ширкатҳоро нишон медиҳад, ки аллакай барои намояндагони гурӯҳҳои осебпазир, аз ҷумла паноҳҷӯён, дарҳои худро боз кардаанд. Иштирокчиён масъалаҳои фароҳам овардани муҳити мусоиди корӣ, рушди малакаҳои касбӣ ва рушди мотивацияи кормандон аз гурӯҳҳои осебпазир, аз ҷумла тавассути омӯзиш, машварат ва дастгирии ҷои корро баррасӣ намуданд.

Таваҷҷуҳи махсус ба механизмҳои дастгирии корфармоён, ки ба ҷалби намояндагони гурӯҳҳои осебпазир таваҷҷуҳ доранд, дода шуд, аз ҷумла стимулҳои молиявӣ ва машваратӣ ва намунаҳои барномаҳои муваффақи ҳамгироӣ. Коршиносон қайд карданд, ки фароҳам овардани имкониятҳои кор бо ҳуқуқи муқаррарӣ ба таҳкими ҳамбастагии иҷтимоӣ, кам кардани осебпазирии иқтисодӣ ва рушди ҷомеаҳои маҳаллӣ мусоидат менамояд.

МОМ Тоҷикистон омодагии худро барои идомаи ҳамкорӣ бо шарикон барои пешбурди ҷалби этикӣ, шароити кор боҳуқуқ ва ҳамгироии устувори иқтисодӣ тасдиқ намуд. Семинар ҳамчун платформа барои мубодилаи таҷриба, муҳокимаи беҳтарин амалияҳо ва таҳия намудани стратегияҳои муштарак барои дастгирии корфармоён ва корҷӯён аз тамоми қишрҳои ҷомеа, аз ҷумла гурӯҳҳои осебпазир, хизмат намуд.

Ташкилкунандагон таъкид карданд, ки чунин ташаббусҳо ба устувории дарозмуддати бозори меҳнат мусоидат намуда, имкониятҳои нав барои худидоракунии иҷтимоӣ ва иқтисодӣ ва ҳамгироии муваффақонаи гурӯҳҳои осебпазирро фароҳам меоранд.

АКС: IOM Tajikistan