МОСКВА, 17 сентябри соли 2025 АИ «Караван Инфо».  Табибони русия аз маркази миллии акушерӣ, гинекология ва перинатологияи ба номи Кулаков дар Никарагуа як қатор семинарҳои илмӣ-амалӣ барои мутахассисони маҳаллӣ баргузор мекунанд.

Мақсади асосии барнома баланд бардоштани сифати хизматрасонии тиббӣ ба модарон ва навзодон мебошад.

Тавре, ки шабакаи Телевизионии Canal 4 хабар медиҳад, омӯзиш ба самтҳои асосӣ равона намуда мешавад: акушерӣ, гинекология, анестезиология ва неонатология.

Коршиносони рус таҷрибаро оид ба пешгирии мушкилот ҳангоми ҳомиладорӣ ва таваллуд мубодила мекунанд ва дар бораи усулҳои муосири нигоҳубини занон ва кӯдакон дар давраи баъди таваллуд сӯҳбат мекунанд.

Интизор меравад, ки дониши нав ба табибони Никарагуа дар беҳтар намудани системаи ҳифзи саломатии модар ва кӯдак кумак кунад ва ҳамкории ду кишвар дар соҳаи тиб боз ҳам мустаҳкамтар шавад.

Русия ва Никарагуа ният доранд, ки ташаббусҳои муштарак, аз ҷумла табодули таҷриба, такмили ихтисоси мутахассисон ва баргузории чорабиниҳои муштаракро барои ҳалли мушкилоти мубрами тандурустӣ идома диҳанд.

Маркази миллии тадқиқоти тиббии Кулаков институти пешбари русия дар соҳаи акушерӣ ва гинекология. Марказ бо кишварҳои хориҷӣ фаъолона ҳамкорӣ намуда, таҷрибаҳои пешрафтаро ба системаи тандурустӣ ҷорӣ мекунад.

Русия ва Никарагуа дар тӯли солҳои охир шарикиро дар соҳаи тиб рушд дода, ба масъалаҳои ҳифзи модар ва кӯдакӣ диққати махсус медиҳанд.

Аксҳо: bezformata