Июль айынын башында Тажикстан Республикасынын “Ховар” Улуттук маалымат агенттиги Кытай Эл Республикасынын “People’s Daily” гезити менен өз ара кызматташуу жөнүндө меморандумга кол койгон.

«Документке кол коюу эки мамлекеттин ортосундагы маданий мамилелерди, Тажикстан Республикасы менен Кытай Эл Республикасынын массалык маалымат каражаттарынын ортосундагы кызматташтыкты чыңдоодо маанилүү роль ойнойт. Коммунисттик партиянын Борбордук Комитетинин расмий басмасы “Жэньминь жибао” дүйнөдөгү эң популярдуу гезиттердин бири болуп эсептелет жана 14 тилде чыгат.

2015-жылы гезиттин тиражы 3 миллион 500 миң нускага жетип, жыл сайын 100 миңден ашуун нускага көбөйүүдө. Гезиттин дүйнө жүзү боюнча 70 бөлүмүндө 1000ден ашуун журналист иштейт», – деди Тажикстандын «Ховар» улуттук маалымат агенттигинин директору Субхиддин Шамсиддинзода.

Мындан тышкары, ал 2024-жылдын 10-июнунан 16-июнуна чейин «Женьминь жибао» гезитинин журналисттер тобу «Бир алкак, бир жол» демилгесинин алкагында Тажикстан Республикасында болгонун жана НИАТ Ховар агенттигинин кабарчылары кесиптештерин Тажикстандын борборунда болуп өткөн пресс-турда    коштоп жүргөнүн эске салды.

Буга чейин, 2017-жылдын 4-сентябрында Кытайдын Сямэнь шаарында өткөн БРИКС саммитинин алдында “Жэньминь жибао” гезити Тажикстан Республикасынын Президенти Эмомали Рахмондун “Тажикистан менен Кытайдын ортосундагы саясий ишеним жана өз ара кызматташуусу болуп көрбөгөндөй жогорку деңгээлге жетишти” деген маегин жарыялаган.»

Сүрөт: НИАТ “Ховар”