Остона, 5 марти соли 2026–АИ «Караван инфо». Президенти Қазоқистон Қасим-Ҷомарт Токаев бо Шоҳзодаи Арабистони Саудӣ Муҳаммад Бен Салмон Ал Сауд сӯҳбати телефонӣ анҷом дод. Ҷонибҳо вазъи Ховари Миёна ва ҳамкории дуҷонибаро баррасӣ намуданд.

Сарвари давлат таъкид намуд, ки авҷ гирифтани низоъ дар минтақа барои амнияти ҷаҳонӣ хатарҳои ҷиддӣ эҷод мекунад. Мусоҳибон изҳор доштанд, ки ҳамлаҳои давомдор дар қаламрави кишварҳое, ки дар муноқиша иштирок намекунанд, дар замоне рух медиҳанд, ки уммаи исломӣ (ҷомеаи ҷаҳонии мусулмонон, араб.) бояд эҳтироми тарафайн ва сабрро нишон диҳад.

Токаев ба ҷониби саудӣ барои кӯмак дар эвакуатсияи шаҳрвандони Қазоқистон ташаккур гуфт. Шоҳзода ба муносибати моҳи Муқаддаси Рамазон ба мардуми қазоқ орзуҳои беҳтаринро ироа намуд.

Роҳбарон ба мувофиқа расиданд, ки муколамаи мунтазами сиёсиро барои ба сатҳи нав баровардани муносибатҳои дуҷониба ва ҳамоҳангсозии талошҳои муштарак дар арсаи байналмилалӣ нигоҳ доранд.

Аксҳо: Акорда