АФҒОНИСТОН, 3 феврали соли 2026 – Хабаргузории иттилоотии Karavan Info. Сухангӯи Вазорати тандурустии Толибон Шарафат Амархил хабар дод, ки дар 18 вилояти Афғонистон маъракаи эмгузаронӣ алайҳи полиомиелит (фалаҷи кӯдакона) оғоз шудааст.

Ба гуфтаи ӯ, ҳадафи ин маърака ҳифзи беш аз 7,3 миллион кӯдаки то панҷсола аз вируси полиомиелит аст.

Амархил қайд кард, ки ин маърака рӯзи душанбе оғоз шуда, то панҷшанбе идома хоҳад ёфт.

Ӯ аз пирони минтақа, уламои дин ва оилаҳо даъват кард, ки барои таъмини татбиқи бомуваффақияти эмгузаронӣ бо кормандони соҳаи тандурустӣ фаъолона ҳамкорӣ кунанд.

Ин маърака дар вилоятҳои Кобул, Нангарҳор, Логар, Кунар, Нуристон, Пактиё, Пактика, Хуст, Ғазнӣ, Қандаҳор, Ҳилманд, Урузгон, Балх, Форёб, Кундуз, Ҳирот ва Бодғис ҷараён дорад.

Дар соли 2025, сарфи назар аз талошҳо барои решакан кардани полиомиелит, дар Афғонистон ҳадди ақал нӯҳ ҳолати ин беморӣ ба қайд гирифта шудааст.

Афғонистон ва Покистон аз ҷумлаи чанд кишвари ҷаҳон боқӣ мемонанд, ки вируси полиомиелит дар онҳо ҳанӯз пурра решакан нашудааст.

Акс: Рейтер