Остона, 2 феврали соли 2026 АИ «Караван Инфо». Вазири корҳои хориҷии Қазоқистон Ермек Кошербаев бо сафири Гурҷистон Леван Диасамидзе мулоқот намуд. Ҷонибҳо масъалаҳои мубрами рӯзномаи дуҷонибаро баррасӣ карданд.

Кошербаев аз тамосҳои мунтазами байни идораҳои сиёсати хориҷии ду кишвар изҳори қаноатмандӣ намуд. Вай аҳамияти гузаронидани машваратҳои сиёсии байниҳукуматӣ ва фаъолияти комиссияи Байниҳукуматӣ оид ба ҳамкории тиҷоратию иқтисодиро қайд намуд.

Ба рушди ҳамкориҳои тиҷоратию иқтисодӣ ва сармоягузорӣ диққати махсус дода шуд. Ҳамчунин, густариши ҳамкорӣ дар соҳаи нақлиётӣ – логистикӣ, аз ҷумла лоиҳаҳо дар доираи хатсайри байналмилалии нақлиётии Транскаспий (Долони Миёна) баррасӣ намуда шуд.

Дар натиҷаи мулоқот ҷонибҳо омодагии худро барои идомаи муколамаи созанда дар тамоми маҷмӯи масъалаҳои ҳамкории дуҷониба тасдиқ намуданд.

Аксҳо: ВКХ ҶҚ