Душанбе, 27 феврал, – АИ «Корвон Иттилоот». 25 феврал дар Душанбе ташкилоти ҷамъиятии «АНТИ» ҷаласаи минтақавӣ таҳти унвони «Занони Ваҳдати Фарғона: Пулҳои сулҳ ва ҳамкорӣ» баргузор намуд. Мақсад аз баргузории он ҷамъ овардани намояндагони мақомоти давлатӣ, мақомоти маҳаллӣ, созмонҳои байналмилалӣ ва ҷомеаи шаҳрвандӣ аз Ҷумҳурии Тоҷикистон, Қирғизистон ва Ӯзбекистон буд.

Дар ҷараёни вохӯрӣ иштирокдорон масъалаҳои муҳимро, ки ба ҳамкорӣ ва рушди устувори минтақаи водии Фарғона таъсир мерасонанд, баррасӣ намуданд:

• Диди муштарак дар бораи сулҳ ва ҳамкорӣ дар минтақа;
• Чолишҳои минтақавӣ ва роҳи ҳамоҳангшудаи бартарафсозии онҳо;
• Рушди ташаббусҳои марзӣ ва консепсияи «иқтисоди сулҳ»;
• Мустахкам кардани эътимоди иҷтимоӣ ва нақши занон дар бунёди сулҳ;
• Эҷоди платформаҳои устувори ҳамкорӣ байни соҳаҳо барои фаъолияти муштарак.

Дар чорабинӣ Раиси Кумитаи корҳои занон ва оила назди Ҳукумати Ҷумҳурии Тоҷикистон — Бунафша Файзиддинзода иштирок намуд, ки ин сатҳи баланди гуфтугӯ ва аҳамияти масъалаҳои баррасишударо таъкид намуд.

Вохӯрии минтақавӣ ҳамчун платформаи муҳиме барои тақвияти ҳамкорӣ байни кишварҳо, рушди эътимод ва пешбурди ташаббусҳои муштарак дар роҳи сулҳи устувор ва рушди ҳамоҳанг арзёбӣ гардид. Иштирокдорон таъкид карданд, ки заноне, ки дар равандҳои иҷтимоӣ ва иқтисодӣ фаъол ҳастанд, ҳамчун агентҳои асосии тағйирот нақши муҳим мебозанд ва метавонанд пулҳои гуфтугӯ ва ҳамдигарфаҳмиро байни кишварҳои ҳамсоя созанд.

Манбаи акс: Акс аз хадамоти матбуоти ОО «АНТИ».