Душанбе, 16 январ, – АИ «Корвон Иттилоот». Синоптикҳо аз тағйироти ҷиддии вазъи ҳаво дар Тоҷикистон ҳушдор медиҳанд. Аз 16 январ дар саросари кишвар пастравии босуръати ҳарорати ҳаво ва боришот дар шакли борон ва барф пешбинӣ мешавад.

Тибқи иттилои Агентии обуҳавошиносии ҷумҳурӣ, ҳарорати ҳаво якбора то 8–10 дараҷа паст мегардад. Пас аз ҳавои ғайримаъмулан гарм барои моҳи январ, шароити воқеии зимистона боз эҳсос хоҳад шуд.

Агар 15 январ дар Душанбе ҳарорати рӯзона +16…+18 дараҷаро ташкил диҳад, пас 16 январ он то +7…+9 дараҷа поин меравад. Дар пойтахт ҳавои абрнок бо боришоти борон ва барф дар назар аст. Рӯзи 17 январ боз ҳам сардтар шуда, ҳарорат то +2…+4 дараҷа паст мешавад ва барф меборад.

Ба иттилои синоптикҳо, рӯзҳои истироҳат — шанбе ва якшанбе — ҳаво 1–2 дараҷа гармтар шуда, боришот қатъ мегардад.

Сардшавӣ тамоми минтақаҳои ҷумҳуриро фаро мегирад. Сардтарин ҳаво дар шарқи Вилояти Мухтори Кӯҳистони Бадахшон пешбинӣ мешавад, ки дар он ҷо ҳарорат метавонад то −50 дараҷа поин равад.

Мутахассисон аз сокинон даъват мекунанд, ки ҳангоми ба нақша гирифтани сафарҳо ва корҳои рӯзмарра тағйироти ҳаворо ба назар гиранд ва чораҳои эҳтиётиро риоя намоянд, бахусус дар минтақаҳои кӯҳӣ.

АКС: Агентии обуҳавошиносии Тоҷикистон