AFG'ONISTON, 2026-yil 1-may – Karavan Info axborot agentligi. Tolibon harakati vakillari shu yilning 20-24-aprel kunlari Ostonada bo'lib o'tgan Temir yo'llar o'rtasidagi hamkorlik tashkilotining 40-konferensiyasida ishtirok etishdi.

Tadbirda temir yo'l agentliklari rahbarlari, texnik mutaxassislar va xalqaro tashkilotlar vakillari ishtirok etdi. Jamoat ishlari vazirligi vakili Muhammad Ashraf Hakshinning so'zlariga ko'ra, asosiy mavzular temir yo'l sohasida hamkorlikni rivojlantirish, tranzit yo'nalishlarini takomillashtirish, savdoni osonlashtirish va yangi texnologiyalarni joriy etishdan iborat edi.

Afgʻoniston tomonidan Jamoat ishlari vazirligining temir yoʻllar vaziri oʻrinbosari Muhammad Ishoq Sahibzoda boshchiligidagi delegatsiya ishtirok etdi.

Konferensiya doirasida delegatsiya Qozogʻiston temir yoʻllari raisi, mamlakat transport vaziri oʻrinbosari va Ozarbayjon temir yoʻllari rahbari bilan alohida uchrashuvlar oʻtkazdi.

Tolibon mintaqaviy tranzit hamkorligini mustahkamlash, yuk oqimini ko'paytirish va savdo-iqtisodiy aloqalarni kengaytirish muhimligini ta'kidladi.

Surat: Afg'oniston Jamoat ishlari vazirligi