Ўтган ҳафта Тожикистон Республикаси Президенти Имомали Раҳмон Италияга расмий ташрифи чоғида Италия Республикаси Президенти Серджо Маттарелла ва Италия Республикаси Бош вазири Джорджия Мелони билан учрашувлар ўтказди.

Томонлар Тожикистон ва Италия ўртасидаги сиёсий, иқтисодий, савдо, маданий-гуманитар соҳалардаги ҳамкорликнинг бугунги ҳолати ва ривожланиш истиқболларини муҳокама қилдилар. Учрашув иштирокчилари хавфсизлик, таълим ва соғлиқни сақлаш соҳасидаги алоқаларни ривожлантириш масалаларини ҳам муҳокама қилдилар.

Ҳамкорликнинг асосий тармоқлари гидроэнергетика, енгил саноат, озиқ-овқат саноати, металлургия, тоғ — кон саноати, шунингдек, кимё саноати, қишлоқ хўжалиги, фармацевтика ва туризм каби соҳаларда қайд этилди.

Томонлар Тожикистонга Италия сармояларини жалб қилиш ва қўшма корхоналар ташкил этиш масалаларини алоҳида муҳокама қилдилар. Бундан ташқари, мамлакатлар ўртасида тўғридан-тўғри рейсларнинг очилиши муҳокама қилинди.

Икки мамлакат ўртасида БМТ, ЕХҲТ ва бошқа халқаро ташкилотлар каби халқаро тузилмалар доирасидаги ҳамкорлик масалаларига тўхталиб ўтилди.

Учрашув якунида 7 та янги ҳужжат имзоланди.

Фото: Тожикистон Республикаси Президентининг расмий сайти