Шу ҳафта бошида Тошкентда бўлиб ўтган «Марказий Осиё — Форс кўрфази Араб давлатлари учун ҳамкорлик Кенгаши» стратегик мулоқоти ташқи ишлар вазирларининг иккинчи учрашувида Тожикистон Республикаси Ташқи ишлар вазири Сироджиддин Мухриддин бир қатор мамлакаларнинг ташқи ишлар вазирлари билан учрашувлар ўтказди.

Кувайт Давлати Ташқи ишлар вазири Абдулла Али Абдуллоҳ Ал-Яҳё билан учрашув бўлиб ўтди. Учрашувда икки мамлакат ўртасидаги ҳамкорлик ва сиёсий, савдо-иқтисодий, илмий ва маданий соҳалардаги алоқаларни ривожлантириш истиқболлари, шунингдек, хавфсизлик масалалари бўйича ҳамкорлик масалалари муҳокама қилинди.

Шунингдек, С.Муҳриддин Уммон Султонлиги Ташқи ишлар вазири Бадр Бин Хамад Ал-Бусаидий билан ҳам учрашди. Учрашув иштирокчилари икки томонлама муносабатлар ва халқаро ташкилотлар доирасидаги ҳамкорликни мустаҳкамлаш масалаларини муҳокама қилдилар.

Ўтган ҳафта охирида Тожикистон дипломатик бошқармаси бошлиғи Ўзбекистон Республикаси Ташқи ишлар вазири Бахтиёр Саидов билан учрашув ўтказди, унда икки мамлакат ўртасидаги ҳамкорлик масалалари билан бир қаторда томонлар Ўзбекистон Республикаси Президентининг Тожикистон Республикасига давлат ташрифига тайёргарлик ишларини кўриб чиқдилар.