Тожикистон Туркия фуқаролари учун виза режимини жорий этди

Тожикистон Республикаси 2024 йил 20 апрелдан бошлаб Туркия фуқаролари учун виза режимини жорий қилади.

Тожикистон Ташқи ишлар вазирлиги ушбу қонун ўзаро келишув тамойилини амалга ошириш мақсадида қабул қилинганлигини таъкидлади. Шундай қилиб, виза режими Туркия миллий паспортлари эгаларига нисбатан қўлланилади. Вазирлик, шунингдек, Тожикистон Республикаси ҳукуматининг 2024 йил 28 мартдаги 190-сонли қарорига ҳавола беради.

Янги жараёнга кўра, Туркия фуқаролари Тожикистон Республикасининг дипломатик ваколатхоналари ва консуллик идораларида виза олишлари мумкин.