2028 yilgi Yozgi Olimpiada o‘yinlari tashkiliy qo‘mitasi Los-Anjelesdagi musobaqalar boshlanish sanasini rasman e’lon qildi. Ochilish marosimi 14 iyul kuni bo'lib o'tishiga qaramay, birinchi musobaqalar 12 iyul kuni – rasmiy ochilishdan ikki kun oldin boshlanadi.

Xalqaro olimpiya qoʻmitasi maʼlumotlariga koʻra, birinchi kunlarda jamoaviy sport turlari – futbol, regbi, gandbol, suv polosi, chim ustida xokkey va kriket boʻyicha bellashuvlar boʻlib oʻtadi. Bu esa tig‘iz jadvalga rioya qilish va barcha saralash bosqichlarini o‘tkazish imkonini beradi.

Olimpiadaning ochilish marosimi tarixda birinchi marta bir vaqtning o'zida ikkita arenada bo'lib o'tadi: afsonaviy Los-Anjeles memorial kolizeyi va zamonaviy SoFi stadioni. Birinchi oltin medal 15 iyul kuni triatlon musobaqasida topshiriladi va O'yinlarning eng voqealarga boy kuni – 29 iyulda turli yo'nalishlar bo'yicha 35 ga yaqin final bahslari o'tkaziladi. Olimpiya o'yinlari 30 iyul kuni yakunlanadi.

2028 yilgi Olimpiada rasmiy saytida 32 ta sport turi, jumladan, saralash, yarim final va final bahslarini o‘z ichiga olgan to‘liq musobaqa jadvali e’lon qilindi.