O‘zbekistonda Xalqaro xotin-qizlar kuni va Navro‘z umumxalq bayramini nishonlashga faol tayyorgarlik ko‘rilmoqda. Shu munosabat bilan vazirning birinchi o‘rinbosari Bahodir Ahmedov rahbarligida yig‘ilish o‘tkazildi. Muhokamada vazirlik boshqarma va bo‘lim rahbarlari, “O‘zbekkonsert” davlat muassasasi hamda Davlat filarmoniyasi vakillari, shuningdek, rassomlar va baletmeysterlar ishtirok etdilar.

Bahorgi bayramlar ruhini aks ettiradigan, yangi musiqa asarlari va qo‘shiqlar bilan boyitilgan konsert dasturlarini yaratishga alohida e’tibor qaratildi. Tantanali tadbirlarda qatnashadigan iste’dodli yoshlarni aniqlash ham muhim vazifalardan biri bo‘ldi.

Yig‘ilish davomida bayram tadbirlarini yuqori darajada tashkil etish bo‘yicha aniq ko‘rsatmalar berildi.