9-sentabr kuni Toshkent shahridan O‘zbekiston – Qirg‘iziston – Xitoy multimodal yo‘nalishi bo‘yicha birinchi konteyner poyezdining tantanali jo‘nab ketish marosimi bo‘lib o‘tdi. Poyezd Qirg‘iziston va Qashg‘ar orqali o‘tib, Gansu provinsiyasidagi Lanchjou shahriga yo‘l olgan. Mazkur yo‘nalishning ochilishi mintaqa davlatlari va Xitoy o‘rtasidagi transport-logistika hamkorligini kengaytirishda muhim qadam bo‘ldi. Yangi yo‘nalish yuklarni yetkazib berish muddatlarini sezilarli darajada qisqartiradi, yuk tashish samaradorligini oshiradi, eksportyor va importchilar uchun qo‘shimcha imkoniyatlar yaratadi. Marosimda, shuningdek, Xitoyning Gansu International Logistics Group Co. Ltd kompaniyasi uchun O‘zbekistonda yangi logistika bazasi ishga tushirildi. Baza Gansu – Qashqar – Markaziy Osiyo yo‘nalishi bo‘yicha barqaror yuk tashishni rivojlantirishning asosiy bo‘g‘ini bo‘lib, tovarlarni saqlash va qayta ishlash uchun zamonaviy infratuzilmani taqdim etadi. Mutaxassislarning qayd etishicha, muntazam konteyner tashish xizmatlarini yo‘lga qo‘yish va O‘zbekiston logistika imkoniyatlarini xalqaro yo‘nalishlarga integratsiyalashuvi mamlakatning Markaziy Osiyodagi tranzit xab sifatidagi mavqeini mustahkamlaydi, infratuzilma va savdoga qo‘shimcha sarmoyalarni jalb qiladi.