O‘zbekiston poytaxtida o‘smirlar o‘rtasidagi musobaqa turli mamlakatlardan kelgan eng kuchli yosh tennischilarni jamladi. Sportchilarimiz xalqaro maydonda o‘zini ishonchli namoyon etdi.

Kunning bosh qahramoni 17 yoshgacha bo‘lgan toifada oltin medalni qo‘lga kiritgan Arujan Kamalova bo‘ldi. Qizg‘in kechgan bahsda u eronlik Setayesh Iluxanni mag‘lub etib, O‘zbekistonga turnirdagi ilk bosh sovrinni keltirdi.

O'z toifalarida bronza medallarini qo'lga kiritganlar:

• Eleonora Shirieva (U13)
• Husen Iskandarov (U13)
• Adelina Xasanova (U17)
• Diyarbek Dilshodov (U17).

Turnir davom etmoqda va yosh tennischilarimizning sovrinlar to‘plamini to‘ldirish uchun hali ko‘p imkoniyatlar mavjud.