Prezidentning 2024-yil 26-sentyabrdagi farmoniga ko‘ra Sanitariya tozalash ishlarini tashkil etish respublika markazi negizida tashkil etilgan Chiqindilarga oid ishlarni boshqarish va aylanma iqtisodiyotni rivojlantirish agentligi yangi direktorga ega bo‘ldi. Bu lavozimga Sharifbek Shamsiddinovich Hasanov tayinlandi.

Hasanov 1990-yilda tug‘ilgan bo‘lib, Buyuk Britaniyada ta’lim olgan: 2013-yilda Kardiff Metropolitan universitetini, 2015-yilda esa Surreya universitetini tamomlagan. Tayinlanishidan oldin u Hisob palatasi, Vazirlar Mahkamasi va boshqa davlat tuzilmalarida turli lavozimlarda faoliyat yuritgan.