Ekspert: Afgʻonistonning Oʻzbekiston va Qozogʻistondan unga boʻlgan talabi oshadi
Afgʻoniston va Pokiston oʻrtasidagi qurolli mojaroning kuchayishi Rossiya, Qozogʻiston va Oʻzbekistondan Afgʻonistonga un yetkazib berishning koʻpayishiga olib kelishi mumkin. Bu fikrni Qozogʻiston don ittifoqi vakili Yevgeniy Karabanov Oltoy oʻlkasining Belokurixa shahrida boʻlib oʻtgan Qishki don konferensiyasida bildirdi. Uning soʻzlariga koʻra, Kobul va Islomobod oʻrtasidagi munosabatlarning yomonlashishi anʼanaviy savdo yoʻllariga va oziq-ovqat importi tuzilmasiga taʼsir qilishi mumkin. Bunday sharoitda Afgʻoniston tobora koʻproq muqobil yetkazib beruvchilardan, asosan Yevroosiyo mamlakatlarida un sotib oladi. Ekspertning taʼkidlashicha, Rossiya, Qozogʻiston va Oʻzbekiston eksportni koʻpaytirish uchun yetarli ishlab chiqarish quvvatiga va logistika imkoniyatlariga ega. Yetkazib berishning koʻpayishi mintaqaviy savdo sharoitlarining oʻzgarishining oqibatlaridan biri boʻlishi mumkin.
Eslatib o'tamiz, Milliy statistika qo'mitasi ma'lumotlariga ko'ra, O'zbekiston 2025-yilda Afg'onistonga 1 590 193 tonna bug'doy uni eksport qilgan.
Unga bo'lgan talab vaziyatning keyingi rivojlanishi va mintaqadagi transport yo'laklarining barqarorligiga bevosita bog'liq bo'lishi kutilmoqda.
Manba: caravan-info.uz