AFG'ONISTON, 2026-yil 16-fevral – Karavan Info axborot agentligi. Taniqli turk yozuvchisi Elif Shafak Tolibon tomonidan qabul qilingan jinoyat-protsessual kodeksini "dahshatli" deb atadi va ushbu qonunni …

"Ayollar qullar bilan tenglashtiriladi va erkaklar ularning xo'jayinlariga aylanadi."

Shafakning fikricha, xalqaro hamjamiyat ushbu kodeks va uning oqibatlariga ko'z yummoqda, bu esa uni xavotirga soladi.

Ijtimoiy tarmoqlardagi postida yozuvchi quyidagilarni ta'kidladi:

"Ushbu qonun ayollarga nisbatan zulm, jumladan, maishiy va genderga asoslangan zo'ravonlik uchun yo'l ochib berdi va hatto femitsid uchun sharoit yaratdi."

Uning qo'shimcha qilishicha, qabul qilingan kodeks afg'on jamiyatini sinflarga ajratadi.

Elif Shafak Tolibon kuchayganidan beri afg'on ayollari va qizlarining ahvoli haqida bir necha bor gapirgan sanoqli xalqaro yozuvchilardan biridir.

Bir necha hafta oldin Tolibon yetakchisi Haybatulloh Axundzoda odamlarni to'rt sinfga ajratadigan "Sudlarning Jinoyat-protsessual kodeksi"ni qabul qilish to'g'risidagi maxsus farmon chiqardi. Qonun kirish, uchta bo'lim, o'nta bob va jinoyatlar va ular uchun belgilangan jazolarni sanab o'tuvchi 119 ta moddadan iborat.

Surat: Tomoshabin