KOBUL, 2025-yil 16-sentabr – Karavan Info axborot agentligi.Tolibon Sanoat va savdo vazirligi Kobul va Tehron oʻrtasidagi savdoni kengaytirish, tranzitni yengillashtirish va qoʻshma sarmoyalarni ragʻbatlantirish masalalarini muhokama qilish uchun yuqori martabali Eron delegatsiyasi Kobulga kelganini eʼlon qildi.

Eron delegatsiyasiga Eron sanoat, tog‘-kon va savdo vaziri Seyid Muhammad Otabak hamda bir qator boshqa rasmiylar, jumladan, mamlakat parlamenti a’zolari boshchilik qilmoqda.

Eron delegatsiyasi Kobulda Tolibon vakillari bilan uchrashib, so‘ng Hirotga yo‘l olishi va u yerda Islom Qal’a porti, qurilayotgan temir yo‘l va tog‘-kon loyihalari bilan tanishishni rejalashtirgan.

Vazirlikning bildirishicha, Eron delegatsiyasi xususiy sektor vakillari bilan ham uchrashadi.

Foto: IA Karavan Info hamkorlari