16-dekabr kuni Moskvada, “Oliy iqtisodiyot maktabi” Milliy tadqiqot universitetining Madaniyat markazida “Chet eldagi eng yaxshi rus maktabi” IV Xalqaro tanlovi g‘olib va sovrindorlarini taqdirlash marosimi o‘tkazildi.

Rossiya Federatsiyasi Maorif vazirligi ko‘magida tashkil etilgan tanlov dunyoning 49 mamlakatidan 1500 nafar pedagogni birlashtirdi. “Rus maktabining eng yaxshi pedagogik jamoasi” jamoa nominatsiyasida O‘zbekiston Respublikasi Farg‘ona viloyatidagi 40- va 48-maktab o‘qituvchilari jamoasi faxrli uchinchi o‘rinni qo‘lga kiritdi.

Maxsus mukofot sifatida ushbu maktablarning rus tili va adabiyoti sinflari zamonaviy jihozlar va o‘quv-uslubiy materiallar bilan ta’minlanadi. Bu esa o‘qituvchilarga ilg‘or ta’lim texnologiyalarini joriy etishni davom ettirish va ta’lim sifatini oshirish imkonini beradi.

Farg‘ona viloyati pedagogik jamoasini munosib g‘alabasi va chet elda rus tilidagi ta’limni rivojlantirishga qo‘shgan hissasi bilan tabriklaymiz!