Geologiya fanlari universiteti delegatsiyasi Germaniyaning geologiya va foydali qazilmalarni qazib olish sohasidagi yetakchi oliy ta’lim muassasalaridan biri hisoblangan Frayberg konchilik akademiyasiga tashrif buyurdi. Tashrif chog‘ida universitet vakillari Mineralogiya instituti rahbari, professor Gerhard Hayde bilan uchrashib, akademik hamkorlik istiqbollarini muhokama qildilar. Shuningdek, delegatsiya institutga qarashli namunalar muzeyi bilan tanishdi.

Uchrashuv yakunida tomonlar hamkorlik memorandumini imzolashga kelishib oldilar. Ushbu memorandum doirasida akademik almashinuv dasturi yo‘lga qo‘yiladi. Yaqin kunlarda Geologiya fanlari universitetining ikki nafar bakalavriat talabasi va ikki nafar magistranti bir semestr davomida Frayberg konchilik akademiyasida tahsil olish imkoniyatiga ega bo‘ladilar.

Bundan tashqari, delegatsiya akademiyaning Xalqaro markazi rahbari Yuliya Sishchuk bilan uchrashuv o‘tkazdi. O‘zbekiston oliy ta’lim muassasasi vakillari markaz faoliyati, xodimlar tarkibi va xorijlik talabalarni qo‘llab-quvvatlash dasturlari bilan batafsil tanishdilar.