OSTONA, 23 iyul – “Karavan Info” IA.2025-yilda taʼlim grantlari tanlovida ishtirok etish uchun 113 mingga yaqin abituriyent hujjat topshirgan. Bu o‘tgan yilga nisbatan 9 mingtaga ko‘pdir.

Bakalavriatga oʻqishga qabul qilish uchun 77 mingdan ortiq grant ajratilgan boʻlib, ularning asosiy qismi muhandislik-texnik mutaxassisliklarga yoʻnaltirilgan. Shuningdek, “Pedagogika fanlari” va “Ijtimoiy fanlar, jurnalistika va axborot” yo‘nalishlari bo‘yicha 150 ta maqsadli grantlar mavjud. “Serpin” dasturi 2412 ta grantni taklif etadi, yana 2500 ta grant Atirau va Mangʻistau viloyatlari abituriyentlari uchun moʻljallangan.

Eng mashhur mutaxassisliklar pedagogika, IT, qurilish va mashinasozlik sohalarida qolmoqda. Ayniqsa, “tarjimonlik”, “psixologiya”, “dizayn”, “huquqshunoslik” va “boshlang‘ich maktab ta’limi” yo‘nalishlariga abituriyentlar o‘rtasida yuqori raqobat kutilmoqda.

Grantlar berish to‘g‘risidagi qaror Respublika tanlov qo‘mitasi tomonidan qabul qilinadi. G‘oliblar ro‘yxati 10 avgustgacha e’lon qilinadi, ro‘yxatga olish 25 avgustgacha yakunlanadi.

Ochiq manbalardan olingan fotosurat