O‘zbekiston investitsiyalar, sanoat va savdo vaziri Laziz Qudratov “Tatneft” OAJ bosh direktori Nail Maganov bilan uchrashuv o‘tkazdi. Uchrashuvda tomonlar O‘zbekistonda kompaniya tomonidan amalga oshirilayotgan qo‘shma loyihalarning joriy holati va kelgusidagi hamkorlik rejalarini muhokama qildilar.

Kimyo sanoati sohasidagi ishlarga alohida e’tibor qaratildi. Obyektlar qurilishini muvaffaqiyatli yakunlash va rejalashtirilgan quvvatlarga chiqish bo‘yicha aniq qadamlar kelishib olindi.

Uchrashuv ishtirokchilari sheriklikni yanada mustahkamlashga tayyor ekanliklarini tasdiqladilar va rejalashtirilgan loyihalarni o‘z vaqtida amalga oshirish uchun samarali hamkorlik mexanizmini yaratishga kelishib oldilar.