“Janubiy Ustyurt” milliy tabiat bog‘i xodimlari qirg‘iylar oilasiga mansub yirtqich qushlar — dala boyqushlarini parvoz paytida tasvirga tushirishgan.

O‘rtacha kattalikdagi, uzun qanotli va dumli bu qushlar yer ustida past uchganda hech qanday tovush chiqarmaydi. Ularning asosiy ozuqasi mayda kemiruvchilar, jumladan dala sichqonlari, yumronqoziqlar va sichqonlardir.

2020-yilda tashkil etilgan “Janubiy Ustyurt” milliy bog‘i Qoraqalpog‘istonning Qo‘ng‘irot tumanida joylashgan. Uning hududida 149 turdagi hayvon yashaydi, shulardan 36 turi O‘zbekiston Qizil kitobiga kiritilgan.