Xanoy shahrida kurash bo‘yicha 23 yoshgacha bo‘lgan sportchilar o‘rtasida Osiyo chempionati yakunlandi. Final kuni O‘zbekiston terma jamoasiga yana uchta sovrin olib keldi: kumush medalni Umujon Jalolov (65 kg gacha) va Zafarbek Otaxonov (74 kg gacha) va bronza medalni Sadriddin Daminjonov (92 kg gacha) qo‘lga kiritdi.Musobaqaning barcha kunlaridagi natijalarni inobatga olgan holda, O‘zbekiston U23 polvonlari umumiy natija bilan chempionatni yakunladilar:2 ta oltin, 5 ta kumush, 9 ta bronza. Sportchilar kuchli tayyorgarlik va ishonchli kurashni namoyish etib, milliy kurash maktabining Osiyo arenalarida yuksak saviyasini tasdiqladi. Ertadan U17 toifasidagi O'zbekiston yosh vakillari gilamga chiqadi.