O‘zbekiston Markaziy bankining “CERT-CBU” kiberxavfsizlik markazi OIC-CERT xalqaro tashkilotiga a’zolikka qabul qilindi.

Mazkur tashkilot 2006-yilda tasis etilgan bo‘lib, u o‘z a’zolariga kiberhujumlar yuz berganda yordam ko‘rsatish va kiberxavfsizlik sohasidagi yangi yechimlarni birgalikda ishlab chiqishni qo‘llab-quvvatlash maqsadida faoliyat yuritadi.

Bugungi kunda OIC-CERT kiberxavfsizlik masalalari bilan shug‘ullanuvchi 31 mamlakatdagi 65 ta tashkilotni o‘z safida birlashtirgan. Ushbu tashkilotga a’zo bo‘lish ishtirokchilarga ilg‘or texnologiyalarni o‘rganish, tajriba va bilim almashish, shuningdek, kibertahdidlarga qarshi kurashish uchun samarali yechimlarni qo‘llash imkoniyatini yaratadi. Bu hamkorlik O‘zbekistonda axborot tizimlarini himoya qilishni takomillashtirish va kiberxavfsizlik darajasini oshirishga xizmat qiladi.

Bogdan Burikin, atayin “Karavan-Info” uchun