TOSHKENT, 2026-yil 14-mart – Karavan Info axborot agentligi. Rossiya Rassomlar uyushmasi a'zosi Galina Grigoryevna Stepanning shaxsiy ko'rgazmasi Ikuo Xirayama xalqaro madaniyat karvonsaroyida Toshkentdagi Rus uyi ko'magida ochildi. "Tog'lar sukunati" deb nomlangan ko'rgazmada rassomning so'nggi yillarda yaratgan o'ttizdan ortiq rasmlari namoyish etilmoqda.

Ryazan san'at maktabini 1967-yilda bitirgan Galina Stepan Markaziy Osiyo madaniyati va tabiatiga chuqur qiziqishi bilan tanilgan. Ko'rgazmaga qo'yilgan asarlar uning mintaqa bo'ylab sayohatlari haqidagi ijodiy mulohazalarining natijasidir. Rassom o'z rasmlarida tog' manzaralarini ramziy aks-sado bilan to'ldirib, ma'naviy yuksalish va ichki kuch mavzularini o'rganadi. Mahalliy aholining samimiylik va e'tibor bilan chizilgan portretlari mintaqaning badiiy qiyofasini to'ldiradi.

Ko'rgazmada markaziy o'rinni rassomning rang va atmosferani yetkazishga o'ziga xos yondashuvini namoyish etuvchi "Pomir noni" (2026) janrli kompozitsiyasi egallaydi.

Rossiya va Oʻzbekiston oʻrtasidagi madaniy aloqalarni targʻib qiluvchi koʻrgazma 2026-yil 23-martgacha tashrif buyuruvchilar uchun ochiq boʻladi.

Surat: nur. uz(nur.uz)