Tojikistonlik bokschi Mehrubon Sanginov (13-0-1) fransiyalik Mahonri Montesga qarshi 19 aprel kuni Kaliforniyada o‘tkazilishi kerak bo‘lgan jangi bekor qilinganini ma’lum qildi. Jang Showtime Boxing turniri doirasida bo'lib o'tishi kerak edi.

Sanginov Instagram’dagi sahifasida shartnomani bekor qilishga promouter bilan ziddiyat sabab bo‘lganini, u shartnoma imzolangandan beri o‘z majburiyatlarini bajarmagani va ikki yillik sukutdan so‘ng to‘satdan paydo bo‘lganini aytdi. Bokschi endi erkin agent bo'lmoqchi ekanligini va yosh sportchilarni xato qilishdan ogoh qilish uchun o'z tarixini batafsil aytib berishini ta'kidladi.

Mehrubon, shuningdek, bu uning faoliyatida birinchi marta jang bekor qilinayotgani emasligini esladi. Bir necha yil oldin u Ardreal Xolmsga qarshi jang qilishi kerak edi, biroq keyin uning to'pig'i sinib, uzoq vaqt ringdan tashqarida edi.

Sanginov Tojikistonning koʻp karra chempioni, WBC Youth, WBA NABA va WBA America Continental unvonlari sohibi. 2021 yildan beri u WBA reytingining kuchli 15 taligidan joy olgan.

Foto: Ochiq manbalar