Qoraqalpog‘iston Vazirlar Kengashi Raisi Farhod Ermanov “Bell Energy” kompaniyasi direktorlar kengashi raisi Xaysam Husayn va “PetroSol Oil Field Services” mas’uliyati cheklangan jamiyati vakili Mustafo Maxmud bilan uchrashib, hamkorlik istiqbollarini muhokama qildi.

O‘zbekiston elchixonasi tashabbusi bilan tashkil etilgan uchrashuvda tomonlar Orolbo‘yida suv tanqisligi va cho‘llanish kabi ekologik muammolarni bartaraf etish, shuningdek, barqaror infratuzilmani barpo etish va tabiiy muhitni tiklashga qaratilgan investitsiya loyihalarini amalga oshirish imkoniyatlarini ko‘rib chiqdilar.

Ekologik xavfsizlikni ta’minlash va mintaqa aholisining hayot sifatini yaxshilash sohasida xalqaro hamkorlikni mustahkamlash masalalari ham muhokama qilindi.